Recueil des lettres missives de Henri IV/1582/4 avril ― À monsieur de Scorbiac

◄

précédente

Henri IV Lettres missives 1582

suivante

►

1582. — 2 avril.

Orig. — Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.

À MONS^R DE SCORBIAC,

CONSEILLER DU ROY MON SEIGNEUR, EN SA COURT DE PARLEMENT DE THOULOUSE ET CHAMBRE DE LANGUEDOC.

Mons^r Scorbiac, J’ay enfin veu la Royne, mere du Roy mon seigneur, et l’ay conduicte jusqu’à trois lieues de Poictiers ; et je suis demeuré trez satisfaict de son entrevue, et croy-je qu’elle produira beaucoup de fruict. Vous verrés la lettre generale que j’escris aux esglises de vos cartiers, de laquelle vous faires part à toutz ceulx que vous cognoistrés estre besoin. Je m’en revay à Sainct Jehan, et de là à la Rochelle, resolu de sejourner en ces cartiers de deçà jusques à la fin du moys prochain, affin d’oster le plus qu’il me sera possible les occasions de deffiance. Tenés moy adverty de tout ce qui se passera par delà ; et je prieray sur ce le Createur, Mons^r Scorbiac, vous avoir en sa garde. De Mesle, ce iiij^e apvril 1582.

Vostre bien bon amy,

HENRY.