Orig. autographe. — B. R. Fonds Béthune, Ms. 8828, fol. 40 recto.
Cop. — B. R. Suppl. fr. Ms. 1009-4.
Mon Cousin, Lorsque mes gens qui font mes affaires à la Court, ont parlé au tresorier de l’espargne de l’assignation de ma pension, et que le recepveur Bonaut avoit refusé d’acquitter la rescription du tresorier de l’espargne[1] pour une demie année seulement, il leur a faict entendre que Bonaut n’estoit tenu garder ordre en mon endroict ne s’excuser là-dessus, et qu’il bailleroit telles contrainctes contre luy qu’on voudroit, s’il en faisoit refus. De sorte qu’il ne tient donc qu’à luy, et ne suis plus deliberé d’endurer telles façons, dont je suis infiniment mal content. Et parce que je crois que vous ne trouvés pas bon tel traictement, qui est si longuement et si souvent continué envers moy, je vous prie, mon Cousin, tenir la main, toutes excuses cessantes dont les recepveurs me paissent, que le recepveur Bonaut me paye ceste demie année promptement. Aultrement il me mettra en peine de me faire recercher d’aultres moyens de me faire payer de ce qui est si justement deu à celuy qui sera à jamais
- ↑ Voyez ci-dessus, lettre du mois de juin 1583, sans date de jour.