Orig. — Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.
À MONSR SCORBIAC,
Monsr de Scorbiac, Le capitaine Portal[1], ung de mes subjectz, et serviteur domestique, est appelant en vostre compaignye d’une sentence que ses parties ont obtenue contre luy au seneschal de Thoulouze, se prevallant de bruits incertains qui ont cours. Et si la qualité d’estre de mes serviteurs luy a esté prejudiciable envers les ungs, faictes en sorte, je vous prye, qu’elle luy acquiere en vostre endroict une prompte et favorable expedition. Je say combien vous avez accoustumé d’affectionner ceulx qui vous sont recommandez de ma part. C’est pourquoy je vous en escry avec tant de privaulté : priant sur ce le Createur, Monsr de Scorbiac, vous avoir en sa saincte garde. De Pau, ce xje febvrier 1584.
- ↑ Le capitaine Portal est nommé dans le Journal de Faurin comme commandant une des quatre compagnies du Lauraguais que le comte de Montgommery conduisit au roi de Navarre, avec trois compagnies de Castres, à la fin d’avril 1586.