Orig. autographe. — Biblioth. impér. de Saint-Pétersbourg, Ms. 914, n° 15. Copie transmise par M. Allier, correspondant du ministère de l’Instruction publique.
Monseigneur, Suivant le commandement qu’il a pleu à Vostre Majesté me faire et le desir que j’ay d’y obeir et satisfaire, je suis venu en ce lieu pour y recevoir ma femme, qui y est dés le treziesme de ce mois ; de quoy je n’ay voulu faillir par Yolet, present porteur, de vous advertir, et vous ramentevoir la tres humble et la trez fidele affection que j’ay à tout ce qui touche le bien de voz affaires et service, et leur desdiant et ma personne et tous mes moyens. J’attends vostre commandement sur ce qui m’a esté proposé par monsr de Bellievre pour le Languedoc, où j’apporteray toute la fidelité qui se peut desirer d’un trez fidele serviteur. Il plaira à Vostre Majesté qu’il soit pourveu au payement des garnisons des villes de seureté suivant la requeste que je luy en ay faicte, et m’honorer de vos commandemens, lesquels je n’ay aultre desir que d’effectuer au contentement de Vostre Majesté, laquelle je prie Dieu conserver longuement et heureusement.
et serviteur,