Rondeaux (Christine de Pisan)/XXV

Christine de Pisan

En plains, en pleurs me fault user mon temps.

Rondeaux, Texte établi par Maurice Roy, Firmin Didot, 1886 (p. 161-162).

XXV

 
En plains, en plours me fault user mon temps,
Se de vous n’ay, dame, aucun reconfort

Mieulx me vauldroit briefment morir au fort
Que soustenir la douleur que j’attens.

Pour vous, Belle, je me morray par temps,
Et sachiez bien qu’en trop grant desconfort,^[1]
En plains, en plours me fault user mon temps.

Et se vo trés doulz cuer est consentens,^[2]
Que je muire, certes ce seroit fort
De reschaper contre si grant effort ;
Car vraiement, se vivoie cent ans,
En plains, en plours me fault user mon temps.

1. XXV. — 6 B q. trés g. d.
2. — 8 A² Et se vostre d. — B Puis que vo cuer si en est c.