Rymes/Je n’oserois le penser veritable

Pernette du Guillet

Je n’oserois le penser veritable

Rymes, Tournes, 1545 (p. 40).

Je n’oserois le penser veritable,
Si ce n’estoit pour un contentement,
Qui faict sentir, & veoir ce bien durable
Par la doulceur, qui en fort seulement.
De tous les heurs c’est le commencement :
J’en fais tesmoing le sçavoir estimable.
Est ce le bien qu’on dict tant incroyable ?
Je ne le croy, & le sçay seurement.