Page:Viard - Grandes chroniques de France - Tome 6.djvu/51

terre d’Orient seroit de chrestiens. Par cete paor, estoient venu en l’aide au soldan li Tur des II Hermenies^[1], de Capadoce, de Ysaure^[2], de Cilice^[3] et de Mede^[4]. Tant i avoit de gent qui estoit si bien garnie de chevaus et d’armes, que li soldans emprit hardement que il porroit asembler front à front a toz les chrestiens qui venoient.

Li empereres Corraz avoit demandé et prié à l’empereor de Costantinoble que il li balat de ses genz qui sausent le païs par là où il devoit passer et li ensegnasent les mellors voies et les plus cortes. Il les li avoit baliez ; mais cil qui conduire le devoient estoient plain de moult grant daloiauté, car si tost com il entrerent en la terre des Turs, il vindrent aus chevetains qui menoient les compagnes de l’ot, et lor didrent que il faisent chargier viandes juques à I certain nombre de jors, et bien lor creanterent fermement que dedenz ce tens, il les auroient menez en tel païs en que^[5] il troveroient grant planté de totes viende qui mestier auroient à homes et à chevaus. Cil les en crurent et firent charchier viandes, selonc la mesure que cil avoient dite, sor chevaus et sor charetes. Mais li Grezois daloial, qui de toz jors heent nostre gent, ce ne sai-ge se il le firent par le commandement lor segnor ou par ce que il pridrent avoir des Turs por ce faire, menerent l’ost l’emperaor a escient par les plus apres voies, par les gregnors destroiz. Si les embatirent en

1. Hermenies, Arménies.
2. Ysaure, Isaurie, prov. d’Asie Mineure, sur la Méditerranée.
3. Cilice, Cilicie, prov. d’Asie Mineure, sur la Méditerranée.
4. Mede, Médie.
5. En que, dans lequel.