Sujet sur Discussion utilisateur:Reptilien.19831209BE1

Bonswer, bounute...

Tot cwerant des egzimpes pol mot « wa:plinte », dj' discovrou on tecse k' on aveut metou sol pådje di berdelaedje wikipedia wa:Copene:Vierziye i gn a 15 ans (ça nos radjonnixh nén!)

Dji m' a dit k' ç sereut bén del mete sol wikisourd e walon a vni;

mins, come dji n' a nén grand tchoi come racsegnes do sourdant (c' est nén on scanaedje) dji n' sai nén trop kimint fé pol mete wete so wikisourd (ni dins kéne seccion... i gn a-t i ddja d' ôtes tecses djuridikes k' ont stî rashious ?)

Gråces

So Wikisourd on pout mete, et ratourner, tot çou k' a stî eplaidî so papî, minme les tecses djuridikes. Dj' a bén rtapé li Traité de limites, k' esplikêye sipepieusmint l' limotche inte li France et l' Beldjike. S' on dmande so Wikisourd on facsimilè c' est 1 : po-z acertiner k' el tecse egzistêye bén ; 2 : po k' on deujhinme uzeu poye ripasser sol tecse et rcoridjî les kékès flotches k' i gn areut co (c' est mo corant). Mins ça n' våt ki po les scrijhaedjes d' oridjinne. Gn a des Wikisourds, come e-n almand, ki disfacèt sins tchicter les tecses k' i n' ont pont d' facsimilè. Mins dji n' croe nén k' i fjhèt çoula po les ratournaedjes. Dji n' croe nén ki nos fåt esse ossu strik (straegne).

Dji n' so nén seur di bén comprinde çou k' vloz dire dins « kéne seccion ». Dji direu k' on l' mete divins l' mwaisse espåce !? Mins po çou k' est do tecse lu-minme, i m' shonne ki c' est çti-ci (archive.org), ki n' shonne nén complet. Mi dji so d' acoird po mete li ratournaedje di Borbouze (c' est bén ça ?) so Wikisourd.

Oyi c' est ttafwait ç' tecse la, proficiate !

Dji sai bén k' on pout, mins dji m' dimandéve cwè åd fwait di l' acertinaedje des sourdants, ki dji n' aveu nén... mins vos l' avoz trové.

L' idêye c' est d' copyî l' oridjinnå, la k' c' est foirt interessant d' vey tos ces mots del sicrîta ki mostrèt bén ki les cis k' ont scrît tuzént e walon (dins l' pådje di dvant: une pouille, je deubt, dezeur nommez, co dvant: ses hoiers, elle n’yrat, ne venrat)