Thresor de la langue françoise/Achilles
Achilles, m. acut. (Car le François le corrompt ainsi) Est le nom de ce valeureux Chevalier Grec fils de Peleus & de Thetis, disciple d’armes de Chiron le Thessalien, non blessable horsmis au seul endroit du pied par où sa mere l’avoit retenu de la main quand elle le plongea aux eaux Stygiennes, le sort & destinée duquel estoit destructif de celuy de Troye, & de Priam mesme. Mais le François en use pour propugnateur & de- fenseur. Anne de Montmorency a esté l’Achilles de la France, Anna Mommorancius Gallicus, Achilles quoad vixit extitit. Propugnator Gallici nominis ac defensor, On dit aussi, Il fait son Achilles d’un tel, c. Son bouclier, Son fort, Son asseurance, Son appuy, Son garand. Lesquelles manieres de parler procedent ou de l’extreme proüesse qui estoit audit Achilles Chevalier de Grece, comme pour cette cause se lit aux Annales de Rome, Luc. Sicinius Dentatus avoir esté appelé Achilles Romanus, A. Gell. liv. 2. ch. 11. Ou parce qu’au siege et conqueste de Troye, les Grecs assiegeants fissent principalement estat de luy. Ou parce qu’il fut le vengeur de la mort de son grand amy, Patrocle, par celle de Hector Troyen qui l’avoit tué. Ou bien parce qu’Achilles estant aussi instruit en l’art de medecine par ledit Chiron, mit en usage tant l’herbe dite Achilleos, de son nom, qui remedie aux navrures, que le verd de gris, avec lequel il guerit Telephus ; au moyen dequoy on le peignoit jadis avec un couteau ratissant une pointe ou fer de lance d’airain, et faisant tomber la rouilleure ou verd de gris en la playe dudit Telephus, Plin. li. 25. ch. 5. A cause desquels remedes, qui apportoient allegement et guerison aux navrez, aucuns ont voulu comme anagrammatiser son nom par άχοζ, qui signifie douleur, et λύω, qui signifie delivre. Aussi celuy dont le François dit qu’il fait son Achilles, delivre de peine et d’oppresse, garde et conserve celuy qui s’est mis en sa protection et sauvegarde, et ainsi Bud. le rend en telle signification, Arx causae, Par la mesme raison que David Ps. 71. ver. 3. appelle Dieu sa forteresse, que les Septante rendent par έιζ θεον ύπεραπιστω. et son bouclier és Ps. 5. ver. dern. 35. x. 2. 91. v. 4. En cette sorte tout Chevalier peut estre appelé l’Achilles des vefves, orphelins et autres à la protection desquels le baudrier de chevalerie les oblige. De dire que l’usage François de ce nom soit à cause de ce qui est escrit dudit Achilles en Homere li. 1. de l’Iliade, Η ποί Αχιλλήοζ pothê hixéto huias Akhaiôn Xumpantas, dont est parti ce proverbe Grec, Akhilléios éukhê, la priere et souhait d’Achilles, dont Plutarque fait mention in Camillo aux parangons, et Suidas, il n’est ne hors de propos, ne trop à propos.