Thresor de la langue françoise/Trictrac
Trictrac, m. acut. Est la face du damier en laquelle à iect, sort & rencontre des dez on iouë aux tables, le nom estant fait par onomatopœe du son des dez & cliquetis desdites tables en les remuant de lieu à autre, Fritillus, Lequel mot Latin est fait außi par mesme onomotopoée, ainsi que Martial l'endite en ces vers, Dum blanda vagus alea December Incertis sonat hinc & hinc fritillis, Il se prend aussi pour tout ledit damier entier, comme, Il a presté son trictrac, Fritillum commodato dedit, Et pour vne particuliere sorte de ieu qui se iouë à dez & tables sur ledit damier. Car il y en a plusieurs sortes, comme, Toutes tables, le Pair, la Reinete, le Lourche, qui tous se iouënt à sort & aduenture de dez & remuemet de tables selon l'escheute des points marquez és six faces d'iceux dez.