Le Livre des ballades/De refuser ami si gracieux
Tant avez fait par votre grant doulçour,
Très doulz amy, que vous m’avez conquiſe ;
Plus n’y convient complainte, ne clamour ;
Jà n’y aura par moy defenſe miſe.
Amours le veult par ſa doulce maiſtriſe,
Et moy auſſi le vueil ; car, ſe m’ait Dieux,
Au fort c’eſtoit ſoleur, quand je m’aviſe
Dr refuſer ami ſi gracieux.
Et j’ay eſpoir qu’il a tant de valour
En vomj, que bien ſera m’amour aſſiſe ;
Quand de beauté, de grâce & toute honnour,
Il y a tant, que c’eſt droit qu’il ſouffiſe,
Si eſt bien droit que ſur tous vous eſliſe,
Car vous eſtes bien digne d’avoir mieux ;
Si ay eu tort, tant m’avez requiſe,
De refuſer ami ſi gracieux.
Si vous retiens et vous donne m’amour.
Mon fin cuer doulz, & vous pri que ſaintiſe
Ne treuve en vous, ne nul autre faulz tour,
Car toute m’a entierement acquiſe
Vo doulz maintieng, vo manière raſſiſe,
Et voz très doulz & amoureux beaulx yeux ;
Si auroye grant tort, en toute guiſe,
De refuſer ami ſi gracieux.
Mon doulz ami, que j’aim ſur tous & priſe,
J’oy tant de tien de vous dire, en tous lieux,
Que par raiſon devroye eſtre repriſe
De refuſer ami ſi gracieux.