Le Livre des ballades/Pour accomplir leur bonne voulenté
Maintes gentes me prie que je face
Aucun beaulx dis & çue je leur envoye,
Et de dictier dient que j’ay la grace,
Mais ſauve ſoit leur paix. Je ne ſçauroye ;
Ne puis à beaux dis donner ſens ne joye.
Puis que prié m’en ont de leur bonté,
Peine y mettray, quoique ignorante foye,
Pour accomplir leur bonne voulenté.
Mais je n’oy pas ſentiment ne eſpace.
De faux dis, ne de ſoulax, ne de joye,
Car ma douleur qui toutes autres paſſe,
Mon ſentiment joyeux tout le deſvoye :
Mais du grand deuil qui me tiens morue & coye,
Puis bien parler aſſes & apiter
Bien diray plus voulentiers, plus ſeroye
Pour accomplir leur bonne voulenté.
Et qui vondra ſçavoir pourquoy efface
Dueil, tout mon bien, de legier le diroye.
Ce fuſt la mort qui fery sans menace
Celluy de qui treſtoul mon bien avoye,
Laquelle mort m’a mis, & met en voye
De deſeſpoir. Ne puis je n’oz ſanté.
De ce feray mes dis, puis qu’on m’en proye,
Pour accomplir leur bonne voulenté.
Princes, prenez en gré ſe ne failloye,
Car le dictier je n’ay mie hanté,
Mais maint m’en ont prié & je l’octroye
Pour accomplir leur bonne voulenté.