Le premier acte du synode nocture (éd. 1608)/Harangve de Sœur Coiradodis
HARANGUE DE SOEVR
Coiradodis deleguée de tout le corps des
circonuoiſines Tribades aſſociées.
A temerité ne m’euſt iamais portée iuſques à
là, Mes honorez freres & ſœurs, que d’oſer à
voſtre face prendre la parole d’vne tant importante
affaire qu’eſt celle-cy (& principalement à noſtre
Maiſon), ſi ie n’euſſe premierement eſté auec inſtantes
prieres, & commandements Maternels, deputée
& deleguée de tout le corps de nos cheries Menades
& Coribantes ſœurs adioinctes & aſſociées à cette
voſtre noble aſſemblée : leſquelles ayant eſté aduerties
par voſtre Huißier Harpetirade de voſtre reſolution
en la tenue d’icelle, ont eſtimé eſtre à propos
de m’y enuoyer pour enſemble en deliberer &
conclure leurs raiſons au prealable par moy deuãt
deduictes. Ce n’eſt pas pour ſeconder l’ambition &
les genereux deſſeins de noſtre Sœur Diaphonia qui a
tantoſt parlé, bien que l’affaire nous ſoit beaucoup
de plus d’importance qu’à elle (mon germain comme
perſonne n’ignore, batant en Tapinois par ruſes
du troiſieſme Pilier de la grande Sale du Palais de Badaudois,
& autres de la croix blanche pres noſtre
Cohue non encore cy deuãt miſes en lumiere apres
la meſme proye que Calianthe) Mais bien pour vous
aduertir de nouuellement inuentez moyens, &
vous offrir le gros de toutes nos forces corporelles
& ſpirituelles, qui ne porteront peu d’efficace à ce
que nous reſpirons.
C’eſt vne vray-ſemblance eminente, que le deſir dont nos Geniteurs ſe chatouillent à la deſcouuerte d’vne maiſon affluente en toutes eſpeces de fortunes humaines pour y attacher mon vnique Germain, & qu’en ſoy elle reſſerre l’Alexipharmarque requis & neceſſaire à la vuidange de ſes melancholiques humeurs Neapolitaines, qui vrays Antropophages ſe repaiſſent, cruelles, de la creme de ſon ſang, & du plus pur de ſes mouelles il y a tant de temps, apparoiſt le ſeul moyen d’eſcrouller le baſe des deſſeins de Calianthe. Car ſi ainſi eſt que le Dabo ( comme nous a cy-deuant repreſenté noſtre venerable Abeſſe) ſoit ſimplement rechercheur de richeſſes nues, & deſpouillées ne profondant dauantage l’acquiſition, & luy touchant peu, ou point la trame de la vie preſente, & paſſée, ny les complexions de ceux deſquels il ſe veut allier ; qui ie vous ſupplie, peut auec plus de conuenance eſtre receu & inſtalé en ſes affections que luy ? y a-t-il maiſon de telle eſſence que la ſienne ſoit en cette Prouince, ou dans les quatre circonuoiſines & attouchantes, qui ſe ſoit † Per fas, & nefas.acquiſe licitement, ou illicitement la puiſſance de tellement aduantager ceux qui lui appartiennent ? Qui oze proferer dix, vingt, trente, quarante mille eſcus, pour releuer le premier pouſteau, vnique fondement de ſa future grandeur ? Qui aye temeraire, l’impudence d’offrir ſix mille liures de rente, & dix mille eſcus d’argent content à ceux qui s’egalants deſireroient de Maritalement contracter auec elle pour quelqu’vn de ſes membres ? Aucune vraymẽt ne ſe rencontre : & de vouloir eſtre iuſques à la tant effronté que de mettre en ieu ce Papelan de Calianthe, c’eſt proprement comparer le moindre de tous les flambeaux celeſtes au general des lumineux rayons du Soleil. Il n’y a point d’apparence, auſſi ma creance ne me meine pas là, qu’ame qui reſpire s’aille eſgarant par les ſentiers recourbez de ſes fades ſimilitudes. Mais afin que ie tire voſtre aduis de ce que ie ſuis chargée de vous deduire touchant les deſirs de noſtre recherche pretenduë ſuſdicte, qui ſans faute apportera la derniere main à la deſtruction totale de Calianthe, ſi vous daignez en enſuiure la piſte brefuement ie vous rapporteray ce que plus particulierement nous en auons aduiſé enſemble pour y paruenir : vous ſçauez que nous n’auons pas petit nombre de bons & fidelles parents en cette voſtre ville, ce ſont les inſtruments que nous auons penſé ſeuls eſtre vtiles pour nous donner eſpaule à eſcheler les degrez du feſte de nos pretentions, en-tant que nous les importunerons de cette faueur que de porter les premieres paroles de noſtre demande auec les offres que ie vous viẽs de ſpecifier, faiſant ſeruir auec de la ſoupleſſe & cautelle ces entre mets en ce qui apparoiſtra de vuide, ſçauoir eſt l’alliance qui s’offre tellement grãde, profonde, & ample qu’aucune de tout le pays ne peut pas approcher d’elle en comparaiſon, pour eſtre appuyée ſur vne multitude de fermes fondements, çà & là, deuant, derriere, d’vn coſté & d’autre, de droict, de trauers, dilatez & eſpars tant au Beau-regard de la maiſtreſſe Orée, qu’au vil aſpect de la ſeruante venelle : Apres viendra ſa capacité, bel eſprit & autres merites perſonnels tels qu’ils ſe peuuẽt à iuſte tiltre qualifier vniques Phœnix chacun pour ſon eſpece, en leur aires : ſa vocation, & vacation ſuiura, laquelle luy eſt vne prebande de deux cents eſcus bien venants tous les mois, ne rachetant de Palot, ny de ſa femme, & par conſequẽt, qui n’encourt point la riſque d’eſtre perduë, & de tomber en d’autres mains que iuſtes heritieres, s’il venoit de fortune ſans reſignation à deceder, dont Dieu le garde, & au ſurplus la maiſon en laquelle il eſt demeurant au milieu du Microſcome, & proche du Palais à luy appartenante, meublée en ce qu’elle contient, autant bien qu’aucune de Saffrannier que lon congnoiſſe, tapiſſée de meſme, & par depoſt, lambriſſée à l’egal, voila en ſomme l’abregé de ma legation, le chemin de laquelle ſi vous voulez permettre eſtre ſuiuy, il n’y a point de doubte qu’aucun deſtourbier ne nous pourra faire rebriſer, en ce que nous allons auec tant de fatigues & trauerſes gehenant, & bourrelant nos ames. Reſte maintenant à vous autres (mes très-honorez freres & ſœurs) à minuter ce qui ſera de plus conuenant pour l’entiere execution de cette affaire, & à tirer le plus ſain de toutes les opinions des diſcours precedents, afin que fidellement i’en puiſſe faire le rapport à celles qui en attendent vne bonne iſſue, ſi principalement vous acceptez ce qui eſt de leur part, qui ſera à mon aduis le ſeul filé capable d’arreſter les impetueux pas de Calianthe ſi vous les obligez de tãt, & que vous vouliez fendre la preſſe aux Nopcieres ambitiõs de mon Germain, croyez qu’en tous autres lieux, ils n’eſpargneront biens, vies & honneurs, à reciproquer ce que voſtre bonne nature aura par ce benefice gaigné de pied au milieu de leurs ames : Queſta coſa perfetta, & fornitta io a tutte voi promitto Sorelle, & ſirocchie charißime) per la nota, & ſegno del tanto, & tan grande beneficio vna copia di cadzi membroſi, nerboſi, nerbuti, rubicundi, roſſegianti, & a proportione alluminati, per indolcire, mitigare, & placare la voſtra troppo Sfrenata, & ſenza miſura, regola, & freno, natura : quando medeſima io ſaro legata a mendicar le per tutti gli chioſtri de l’vniuerſale Iſola ſonante.
Cette Courtiſanne & Italianniſé harangue acheuée qui fut entendue de tous auec vn grand ſilence & attention, la pluſpart demeurerent bien camus & eſtonnez pour ce qu’ils congneurent que le baſe de leurs machinations cõtre Calianthe pourroit eſtre du tout arraché par les pretenſions de la maiſon de ceſte derniere Tribade. Car tout leur but en general, particulierement conſideré, n’eſtoit autre qu’apres auoir mis bas ledit Calianthe, ils deſiroient faire la meſme recherche pour leurs proches, & parens. Ce qui fut cauſe, que deſirant peſer ce qu’ils auoient a faire, deuant que de prendre les dernieres concluſions de leurs deliberations, & d’icelles en faire naiſtre vn arreſt definitif ; la Mere Nobié eſtant deualée de ſon throſne & toute l’aſſemblée leuée, ils prirent but en gros, de retourner au Conſeil au meſme lieu, le ſoir ſubſequent : Ce faict, & eſtãt deſia proche le iour Harpetirade ayant ouuert la porte, les ſeuls fredons aphiſtamites, accompagnés de Bagoas & de Diaulus ſortirent de la Salle & monterent dans vne autre chambre deſtinée pour leur repos : Mais attendant que les ſœurs deuſſent auſſi ſortir, & ſe retirer chacune chez ſoy excepté les aſſociées (que ie cõiecturois deuoir giſter en ce logis là meſme) ie fus trompé d’autant que contre mon eſperance elles ſe gliſſerent, conduittes par l’Abeſſe, par derriere vne des pieces de Tapiſſeries & s’enfournerent dans vne autre Salle preparée pour leur dortoir dont ie penſay à part moy que cette maiſon debuoit eſtre vne eſpece d’Academie ou pluſieurs ſortes d’exercices s’apprenoient. Quand ie veis que chacun s’eſtoit retiré, & que tous les flambeaux eſtoient eſtaints (car ie n’auois oſé ſortir dehors deuant) ie commençay auſſi à tirer vers mon logis, aiſe plus que trois ou quatre Rois, de m’eſtre rencontré à heure tant opportune pour eſtre teſmoing affide & irreprochable des inuentions myſterieuſes de ces Tribades, m’eſtant deſia bien à tard que ie n’euſſe la commodité de les deſcouurir à Calianthe afin pour le moings qu’il priſt garde à ſoy, & qu’il ſe deffiaſt de ces Diables deſguiſés, ce qu’a mon grand regret ie ne peux faire ſi toſt, eſtant luy pour lors abſent & hors du pays, & moy qui futs interuenu d’vne affaire dés le iour meſme qui m’appela bien loing dela, en l’iſle des Nautepibates ſiſe en la Mer du Su, ce qui fut encores cauſe que ie ne peux ſçauoir les concluſions qu’elles prirent après la harangue de Bagoas qui ſeul eſtoit reſté de tous ceux qui debuoient opiner auec frere Onopenis, ſœur Spuria, & ſœur Hembra hija, dont i’eus beaucoup de deſplaiſir pour le deſir que i’auois de veoir la fin, & les dernieres procedures de ce Synode, & n’euſt eſté que Harpetirade me promiſt (les premieres conditions miſes en auant, cela s’entẽd) de m’en dire le tu autem aux premieres vendanges, i’euſſe pluſtoſt retardé mon voyage pour ne m’en aller point à demy ſçauant d’vn tant nouueau & rare accident : vous donnãt au reſte parole (Biberons infatigables & ſempiternels) ſur la plus encreſtée Verpe de tout voſtre pays de Couaillerie, que ie ne faudray au premier aduis qui m’en viendra, de vous en offrir à pleins paniers, ſi ſciens fallo, tùm me Dieſpiter, parentibus atque amicis ſaluis, bonis dejiciat, vt ego illas omnes Tribades ab humani totius generis ſocietate dejicio, en les attendant, paſſez le temps à vſer de cette premiere fournée, & ſouuenez vous de hauſſer le gobbelet, à tire larinx, en ces chaleurs.
V interim, ô Erinnys Diaphonia, Eris hoſtia
ſuccidanea, qui tam calumniarum,
mendaciorumque fuiſti prodiga, nullius vt videatur eſſe
tanta memoria, qui omnium meminiſſe poßit, nullius
tanta impudentia, qui omnes audeat commemorare,
nullius tanta patientia, qui omnes repetere
velit, præſertim tam puditas, tam inſulſas, tam incredibiles,
tam atroces, tam innumerabiles : neque
enim vel diſtincte, aut quaſi ordine quodam, aut
ſucceßione Tribas iſta, ſceleribus omnibus ſcatens
à planta pedum, vſque ad capitis ſupremum capillum
non aliter quam putridus caſeus, mentitur,
ſed vno ſpiritu, vno verbulo plurima eaque grauißima
fundit mendacia & calumnias.
A la congnoiſſance du nom de Diaphonia
Diſtique.
A Ville l’engendra, ſon Meſtier fut meſdire,
Vn Bout-cher par vn Bail-l’y fiſt la Corne eſlire.