« Molt grant soufraite avis de cunsiler
« Chant is venuz en ces regne estranger.
— Voir », dit Rollant, « bien tel savrai cunter. »
Adunc le vait fieremant asauter ;
Sor le defandre fist Pellias penser,
Char il voit bien molt i avra grant mester.
Or comencent les barons lor bataile.
Des ardiment dels pahors le travaille,
Mais l’une plus de l’autre acedentaille.
Ne croi faucons plus maelart asaille
Chun le niés Karle le Païn fiert e taille ;
Chuntre sun cols ne valt plate ni maille ;
Non li a chols dusque au sang i faille.
Des aspres plaies le Sarracins baaille ;
De soi vengier panse a le començaille,
Ce est la fue, que as zaitis chunfort baille.
Uns chols zita et pué, sans demoraille,
Fuant s’an vait por mi la sablonaille ;
Pur ch’il retorne sa vie a defensaille,
De perdre honor ne prise une meaille.
Rollant le suit come sparvers la quaille ;
Armes qu’il ait lor n’i poise une paille
Por le doutance qu’il ait qu’il non s’en aille ;
Nuls chavriol ni croi plus legier saille.
Chun il i vient davant a l’incuntraille,
Le Païn fist de sa vois une graille,
Sun uncle claime, Malquidant l’amiraille :
« Chorez moi aidier, gentils roi de grant vaille,
- ↑ — 13145 Vers inintelligible, peut-être à lire ainsi : Or ardiment, or paor les t. — 13147 Ne c. plus faucons m. hasaille. — 13150 usque — 13151 plaie le s. eluaille — 13152 aille c. — 13153 Ce hest.
— 13139 C. his — 13140 bien le te s. c. — 13141 Adunques — 13142 Sorle defrandre