« Mès de mes hommes soy forment iré,
« Si ge [ne] puis vivre longuement par aé. »
Donc a Aiquin ung grant soupir geté ;
Le deul lessa, si est ass[e]üré.
Et les Bretons ne sont mye arresté, (fo 24 vo)
Quant le chastel ont destruit et quassé,
Vers Quidallet s’en vont touz aroté.
Parmy la gresve se sont acheminé,
La mer retrait et vait à son chevé ;
Petite estoit Rance au pié de la Cité,
Mays plus tost brut que fouedre ne oré ;
Endroit la ville, [elle] n’abvoit de lé
Plus d’un arpent, qui l’éust mesuré.
En l’orée de l’esve sont Bretons aresté,
Quar d’aler oultre n’ont nulle po[e]sté ;
Tendent lours ars de cords et de plané,
Droit au bas murs ont trait et palecté.
Illec abvoit payens à grant planté,
Qui de la ville se estoint devallé,
Sour les murs[.....] estoint bien serré,
A Crestïens ont moult forment rué,
Maint gavelot et maint dart enpanné,
Maint en y ot et mort et afolé.
Or vous diré de Charles le sené,
Qui veult aler assaillir la cité ;
Don oïsiez maint bon gresle souné.
De maintenent se sont Franczoys armé,
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/186
Le texte de cette page a été corrigé et est conforme au fac-similé.
53
par le roy charlemaigne
