« Se vos volés par mon conseil ovrer, (*)
« Vos ferai je à tel home acoster
« Plus bels de lui ne se poroit trover :
« Ce est Macaires, li hardis et li fiers.
« Se vos et lui en péusse acointer,
« Ne vos porriés onc de lui sooler, (*)
« Et en vo cuer bien vos porriés vanter
« Del plus beau dru que l’en péust trover. »
La dame l’ot, si le prist à garder.
« Tais, fol, fait ele, ne m’user ce parler ;(*)
« Tost le porois chierement comperer.
— Dame, fait il, tot ce laissiés ester.
« Se vos éust sol un baisier doné,
« Por nesun home nel vorriés mais changer. »
Tant dist li nains et devant et derrier
Que à la dame si prist à anoier
Puis le saisit maugré sa volenté, (*)
Que ne se pot encontre ele tenser. (*)
Jus del solier l’a ele fait verser, (*)
Et si le fait malement trebuchier
Li fait la teste en plusors leus froissier.
Dist la roïne : « Va t’en, fel pautoniers,
« Et autre fois ne me vien tel noncier ! »
Quant li nains fu trebuchiés del solier,
Là fu Macaires, qui ert de mal penser.
Le nain prist il si l’en a fait porter ;
Mires manda, si le fist il bender.(*)
Page:Anonyme - Macaire, chanson de geste.djvu/209
Le texte de cette page a été corrigé et est conforme au fac-similé.
160—186
17
Macaire.
