Page:Anonyme - Macaire, chanson de geste.djvu/338

146

1729—1755

Macaire.

Qe una de ses file volse sego mener,
Qe pois le fe richament marier,
E grant avoir li fe doner à son ser.
Quant a ço fato, se metent à naçer ;
Via s’en vait con toto Varocher.
Or un petit averon qui laser,
Si contaron de K. l’inperer
E del dux N. del ducha de Baiver.
Le primer jorno q’el trovo sa muler
Entro li leto cun li nano ester,
Avanti qe del toto la volese çuçer,
Le conselo le dux N. de Baiver
Qe in Costantinopoli envoiase mesaçer
Tuto l’afaire por rason conter :
Ço qe de lui a fato sa muler,
Como co li nan la trovo in avolter ;
Ben li poit de ces ovra noier.
E questo fu qe alo por mesaçer
Un conte do France e nobel e ber
Qe oit nome Bernardo da Mondiser.
« Bernardo, dist li rois, tu t’en avera aler
« En Costantinopoli parler à l’inperer.
« Da la ma part tu le devera nonçer
« Qe soa file trova o in avolter
« No pais mie cun dux ni cun prinçer,
« Mais cun un nan, dont m’e gran vituper.
« No s’en merveli se m’en voio vençer,