Qui le roi vout honir et vergonder.
De Auberi ne laissa que conter,
Si com l’ocist cil malvais pautoniers,
Et com el bois s’ert alée afichier,
Et convoiée coment l’ot Varochers
En Honguerie et devant et derier.
Le courtois oste ne vout entroblier (*)
Ne ses deus filles ne sa franche moillier :
« Dou roi d’Ongrie ja n’en estuet plaidier,
« Que mon enfant me fist il bautisier ;
« Tant m’onora nel devés oblier,
« A vostre vie le devés mercier. »
Qui donc la mère vist la fille baisier !
Atant es vos le Kallon mesagier.
Ains que péust en la cité entrer,
L’emperéor l’est on alé noncer.
Et quant le sot, un ban a fait crier
Que de sa fille ne déust on parler.
Ja ne vuet mie que icil mesagiers
Nule novele d’ele en saiche porter.
Quant Berars fu en la cité entrés
Et qu’à l’ostel il se fu ostelés,
