Page:Anonyme - Macaire, chanson de geste.djvu/361

1991—2017

169

Macaire.

Vers le palais s’en est acheminés,
Devant le roi est en present alés,
Dist la novele que li ot aporté.
Li rois l’entent, sel prent à apeler :(*)
« Mesagiers sire, or tornerés arier ;
« Vostres mesages ne me vient mie à gré.
« Au roi de France dirés et conterés
« Jadis ma fille li donnai à moillier,
« Et ensement me la retorne arier.
« Vostre emperere et com le pot cuidier,
« Que por tot l’or de la crestienté
« De moie fille ne seroit mot soné.
« Ma fille a il de sa terre chacié,
« A mort la fist et aus bestes livrer,
« Et or me quiert et merci et pitié !
« Com le porroit avoir ja amendé
« Nes por tot l’or de la crestienté ?
« Dont vos di je tost en tornés arier.
« Et quant serés en France repairiés,
« Dirés au roi de France l’alosé
« De moie part que il est desfiés.
« Se ne me rent cele que l’ai doné,
« Je voi Paris ainçois trois mois pasés. »
Berars l’entent, ne lui vient mie à gré,
De mautalent en a pris le congié.
De la roïne ne li fu mot sonés,
Dont Blancheflor en ot joie mené.