Le texte de cette page a été corrigé et est conforme au fac-similé.
Picardie, Champagne & Occident,
Doivent pour plourer acquerre
Tragediens, Arethuſa requerre
Qui en eaue fut par plour convertie,
Afin qu’à tour de ſa mort les cuers serre :
Plourez, plourez, flour de chevalerie.
Hé ! gens d’armes, aiez en remembrance
Voſtre pere ; vous eſtiez ſi enfant.
Le bon Bertran, qui tant ot de puiſſance
Qui vous amoit ſi amoureuſement,
Gueſclin crioit. Priez dévotement
Qu’il puiſt paradis conquerre.
Qui dueil n’en fait, & qui n’en prie, il erre,
Car du monde eſt la lumière faillie ;
De toute honneur eſtoit la droicte ſerre :
Plourez, plourez, flour de chevalerie !
Eustache Deschamps.
