furent aussy employés), servirent utilement le roy aux guerres civiles des huguenots, principalement aux batailles de Jarnac et de Moncontour, auxquelles mon pere, faisant tout devoir digne de luy, et de sa charge, fut blessé : en la premiere, au bras gauche d’un coup de pistollet quy luy emporta l’os du bras nommé la noix, quy conjoint les deux os, et donne le mouvement au coude, dont il fut estropié ; et en l’autre bataille, quy se donna la mesme année, il eut un autre coup de pistollet au bras droit, au mesme lieu que le precedent, quy l’estropia dudit bras comme auparavant il l’estoit du gauche. Et est a remarquer que deux autres colonels, assavoir le reingraf[1], neveu de celuy dont a esté parlé cy dessus, et quy avoit espousé la cousine germaine de mon pere, nommée Diane de Dommartin, fille du comte de Fontenoy son oncle, laquelle par le deces dudit reingraf, quy mourut de cette blesseure, estant devenue vefve, fut remariée au marquis de Havray[2], et le comte Peter Ernest de Mansfeld quy avoit espousé la sœur de mon grand pere, lequel avoit esté envoyé par le duc d’Alve[3] au
- ↑ Jean Philippe II, rheingraf, fils aîné de Philippe François, rheingraf de la branche aînée de Dauhn, et de Marie-Égyptienne, comtesse d’Œttingen ou d’Ottange ; né le 30 septembre 1545, marié en 1566 à Diane de Dommartin, baronne de Fontenoy, dame de Fénestrange ou Vinstingen, fille de Louis de Dommartin, baron de Fontenoy, et de Philippe de la Marck. - Il avait reçu à la bataille de Moncontour un coup de pistolet de la main de l’amiral de Coligny.
- ↑ Charles Philippe de Croy, marquis d’Havré, fils de Philippe II de Croy, duc d’Arschot, et d’Anne de Lorraine, sa seconde femme, né posthume le 1er septembre 1549, mort le 23 novembre 1613.
- ↑ Fernando Alvarez de Toledo, duc d’Albe et de Huesca, gou-
