Mr le cardinal de Richelieu quelques jours auparavant[1] avoit esté mis au conseil estroit, quy me promit en mesme temps amitié, et que La Vieville ne me pourroit nuyre devant luy, comme aussy firent le garde des sceaux, et monsieur le connestable. Mais ce dernier eut toujours opinion qu’il[2] seroit assés puissant pour me faire mettre a la Bastille, dont il m’avertit plusieurs fois, et entre autres, au sortir du conseil, un matin (juillet) que La Vieville avoit fort insisté vers le roy pour me faire arrester, disant qu'il avoit une lettre d’un nommé Le Doux mestre des requestes, qu’il montra, dans laquelle il luy mandoit que dans les papiers de Lopes il avoit trouvé qu’un certain Espagnol nommé Guadamiciles m'avoit fourny quarante mille francs, et estoit vray qu’il avoit trouvé dans son livre de rayson ces mots : Al sr mal de Bassompierre por guadamiciles, 40000 Ms[3], quy estoit deux cens escus pour des tapisseries de cuir doré, ainsy nommées en espagnol. Tous conclurent qu’il falloit sçavoir quy estoit ce Guadamiciles, le faire prendre, et en suitte moy sy c'estoit un banquier
- ↑ Le 29 avril.
- ↑ Il, M. de la Vieuville.
- ↑ Au seigneur maréchal de Bassompierre, pour cuirs dorés, 40,000 maravédis. ― Guadamicil ou guadamacil, cuir bosselé et gravé.
la frontiere de Lorraine et d’Allemaigne sous la charge de Mr le duc d’Angoulesme, et y eut pour mareschal de camp Marillac, quy y firent l’un et l’autre bien leurs affaires et firent entretenir ladite armée un fort long temps par les divers avis qu’ils envoyerent de temps en temps donner au roy des forces ennemies quy estoint prestes d’entrer en France, bien qu’il n’y en eut pas seulement l’apparence.
