Chalais et Bouteville[1] s’en vindrent le soir que nous arrivasmes a Saumur, souper cheux moy, et me prierent de tancer Louvigné, ce que je fis en leur presence ; et eux, et d’autres luy dirent qu’il prit garde de n’avoir aucune querelle avec Mr de Candale s’il ne les vouloit perdre pour amis, parce qu’ils avoint des obligations particulieres quy les lioint avec Mr de Candale. Luy au contraire le lendemain, allant de Saumur aux Ponts de Sey[2], querella Mr de Candale, et lors tous ceux qu’il pensoit ses amis le quitterent pour s’aller offrir a Mr de Candale, dont ce meschant garçon fut tellement piqué que le lendemain (juillet), comme le roy arriva a Ensenis[3], il demanda a luy parler et luy desclara le voyage que la Loubiere estoit allé faire a Mets [par l’ordre de Chalais][4], et plusieurs autres choses qu’il sçavoit, ou qu’il inventa.
Le roy arriva a Nantes[5], et peu de jours apres fit mettre en prison Chalais et luy fit faire son proces. Monsieur fut fort estonné de sa prise, et ses gens aussy, et furent sur le point de partir : mais en mesme temps ils eurent response de Mr de la Vallette quy estoit a Mets, que sy Mr d’Espernon se desclaroit pour luy, qu’il s'y desclareroit aussy, sinon non : Monsieur avoit escrit a Mr d’Espernon quy envoya la lettre au
- ↑ François de Montmorency, seigneur de Bouteville, comte souverain de Luxe, fils de Louis de Montmorency, seigneur de Bouteville, et de Charlotte-Catherine de Luxe, eut la tête tranchée en 1627.
- ↑ Il y avait aux précédentes éditions : à la cour de Saumur et au Pont de Cé.
- ↑ Le roi arriva à Ancenis le 2 juillet.
- ↑ Inédit.
- ↑ Le 3 juillet. ― Chalais fut arrêté le 9.
