estans allés, je fus aussy tost trouver la reine pour luy porter les bonnes nouvelles de nostre traitté.
Le dimanche 8me le duc, et le comte de Holland vindrent disner cheux moy. Le duc de Lenox[1] me vint voir ; puis je fus trouver le roy en sa chambre ou j’eus une audience privée en laquelle il me confirma, et ratifia tout ce que ses commissaires avoint traitté et conclu avec moy, dont il me montra l’escrit et me le fit lire.
Le soir l’agent du roy de Boheme se vint conjouir avec moy, et y souper, comme fit aussy amplement l’ambassadeur de Dannemarc.
Le lendemain lundy 9me quy est [le jour de]Inédit. l’election du maire, je vins le matin a Sommerset trouver la reine quy y estoit venue pour le voir passer sur la Tamise allant a Voestminster[2] prester le serment en un magnifique apparat de batteaux. Puis la reine disna, et en suitte se mit en carrosse et me fit mettre en mesme portiere avec elle. Mr le duc de Bocquinguem se mit aussy par son commandement dans son carrosse, et nous allames en la rue de Schipsay[3] pour voir passer la ceremonie, quy est la plus grande quy se fasse a la reception d’aucun officier du monde. Attendant qu'il passat, la reine se mit à jouer a la prime avec le duc, le comte de Dorset et moy. Puis
