que son feu mary avoit jurée, et on traitta avec le roy de la Grand Bretaigne d’en faire de mesme pour restablir le palatin[1] dans ses estats : mais ce dernier n’y voulut entendre ; seulement permit il a son neveu le palatin de lever des gens dans ses royaumes pour faire un effort au Palatinat, et l’assista de quelque petite somme d'argent, le roy d’une plus grande, les Hollandois de quelques canons et munitions, et sa mere de l'engagement du reste de ses pierreries ; avec quoy il se preparoit pour cet effet, et avoit mis dans la ville de Mepen[2] ses appareils, et mesmes son argent, laquelle ville l’avant garde de Galas vint surprendre, et la perte de tout ce que le palatin avoit dedans luy fit avorter ses desseins.
Ce mesme mois[3] mourut de ses blesseures Mr le duc de Rohan, quy fut certes une tres grande perte a la France ; car c’estoit un tres grand personnage, et aussy experimenté que personne de nostre temps.
Madame de Chevreuse, ce mesme mois, passa d’Espaigne en Angleterre, ou elle fut tres bien receue : et les jesuistes quy avoint esté receus a Troyes par la violence que Besançon avoit faite deux mois auparavant de les y introduire par force, en furent chassés par les habitans de la ville ce mesme mois d'avril[4], auquel le roy envoya interdire la
- ↑ Charles-Louis, électeur palatin du Rhin, fils ainé de Frédéric V, électeur palatin du Rhin, et d’Élisabeth d'Angleterre, sœur de Charles Ier. Né le 20 décembre 1617, il mourut le 28 août 1680.
- ↑ Meppen, ville du Hanovre, sur l'Ems.
- ↑ Le 13 avril.
- ↑ Les habitants de Troyes et une partie du clergé luttaient
