avec grande affection en reconnoissance de la nourriture que je luy avois donnée, dont ledit L'Espinay le remersia. Voyla, Monsieur, la seule chose quy jusques a maintenant est venue a ma connoissance. Le roy pourra faire interroger ledit Scanevelle et sçavoir de luy s’il a eu quelque conference avec moy verbale ou par eserit, ou sy mesme il m’a veu depuis vint ans qu'il est hors de page ; ce que je vous mende naÿvement, Monsieur, comme je le viens d’aprendre en la presence de Mr du Tramblay, comme je feray aussy tout ce que je pourray sçavoir a l’advenir, vous suppliant tres humblement d'en asseurer le roy et S. Em., comme de la parfaite passion que j’ay a leur tres humble service, et de me croyre asseurement, Monsieur, vostre, etc. — Ce 24me d'aust 1639. »
