mise, en lieu d’eclaircir[1] et polir le fer, ne fait que l’user et le rendre plus rude[2]. Les doctes en jugeront[3] *. Quant à ses œuvres, elles sont tant pleines d’excellence[4] et de beautez, que nous les pouvons mieux entendre et admirer que les expliquer et imiter : et nostre Ronsard[5] a fait si bien son prouffit de la profonde science de toutes choses, pratiqué[6] si bien[7] les graces anciennes, et à icelles joint une telle fureur Poëtique, à luy seul propre, que depuis le siècle d’Auguste il ne s’est trouvé un naturel plus divin, plus hardi, plus Poëtique, et plus accompli que le sien *. Il n’y[8] a fleur ou Trope qu’il n’ait parsemé et si subtilement caché en ses escris, qu’il est à douter si en luy l’art surmonte la nature. Et[9] quant à l’art, il n’en doit rien aux anciens, et semble, ayant osté[10] de sa superfluité, qu’il ait adjouté beaucoup à son embellissement : car l’excellence et perfection de bien dire n’est pas[11] en l’abondance et meslange de toutes fleurs, mais au retranchement et au chois des plus belles. Et[12] tout ainsi qu’au cours de nostre vie il y a beaucoup de choses qui se presentent, desquelles peu nous plaisent, et moins encor nous engendrent admiration[13], aussi plusieurs considerations s’offrent en la conception du Poëte[14], dont il doit refuser la plus grand part, et recevoir celle qui plus raisonnablement et avec grand contention d’esprit luy vient à gré[15]. De tous les Poëtes qui ont esté jusques à present, les uns ont emporté l’honneur[16] pour le poëme Epique, et les autres pour le Lyrique, et ainsi des autres : mais faisant comparaison avec chacun Poëte particulier, il est au lieu de tous, et entre tous, unique *. Qui n’admireroit son divin Genie, la
- ↑ A declaircir | B d’esclaircir | C de esclaircir
- ↑ AB virgule après rude | C et polir ne fait qu’user et corrompre la trempe.
- ↑ BC les doctes [C Les doctes] qui verront sans passion ses dernieres conceptions en jugeront.
- ↑ BC J’oseray bien prononcer toutesfois que ses œuvres en general sont tant pleins [C pleines] d’excellence
- ↑ A imiter : Et nostre Ronsard
- ↑ A pratique (f. d’impr. évidente)
- ↑ BC si heureusement
- ↑ A le sien, il ny
- ↑ A nature : Et | C nature : et
- ↑ ABC et semble ayant osté [C esté]
- ↑ C ne gist pas
- ↑ A des plus belles : Et | B au retranchement, chois et arrengement des plus belles. Et | C au retranchement des unes et aux choix et arrengement des plus belles. Et
- ↑ B nous engendrent ce contentement qui meine en l’admiration : | C nous engendrent ce parfait contentement qui nous ravit en l’admiration.
- ↑ C en la conception et phantasie du Poëte
- ↑ C celles qui plus raisonnablement et avec grande contention d’esprit luy viennent à gré.
- ↑ C ont remporté l’honeur
