❦
4La ont trouvé en une povre estable
Le doulx Jesus, Joseph pareillement,
Lequel avoit le seul gouvernement 15
De son espouse et compaigne amyable.
❦
5Le bon Robin donna sa cornemuze[1]
CiAu petit Dieu et Thibault, d’ung cueur net,
Luy presenta son beau tortu cornet,
Dequoy aulx champs passant le temps se amuse. 20
❦
6Quant les pasteurs eurent faict leur offrende,
Une bergiére a prins la place et lieu
Et presenta a Jesus, filz de Dieu,
Ung beau chapeau de fueille de lavende ;
❦
7Puis tous joyeulx congé allérent prendre 25
A l’acouchée et a son filz aussi,
Et, sans avoir chagrin, dueil et soulcy,
A leurs troupeaulx chascun se voulut rendre.
