Cette page a été validée par deux contributeurs.
— 84 —
Si vous prie, amoureux, fuyez
Ces vanteurs et ces mesdisans,
Et comme infames les huyez,
Car ils sont à vos faiz nuisans ;
Pour non les faire voir disans,
Reffus a ses chasteaux bastis.
Car ils ont trop mis, puis dix ans,
Le pays d’amour à pastis.
Et vous, Dames et Damoiselles,
En qui honneur naist et s’assemble,
Ne soyez mie si cruelles
Chacunes et toutes ensemble.
Que ja nulle de vous ressemble
Celle que m’oyez nommer ci,
Qu’on peut appeller, ce me semble,
La Belle Dame sans Merci.
