de pruësce, de grant valur,
20 e volentiers faiseit honur.
Mult turneiot e despendeit
e bien donot ceo qu’il aveit.
La femme sun veisin ama.
Tant la requist, tant la preia
25 e tant par ot en lui grant bien
qu’ele l’ama sur tute rien,
tant pur le bien qu’ele en oï,
tant pur ceo qu’il ert pres de li.
Sagement e bien s’entramerent.
30 Mult se covrirent e guarderent
qu’il ne fussent aparceü
ne desturbé ne mescreü.
[Bl. 165c] E il le poeient bien faire,
kar pres esteient lur repaire,
35 preceines furent lur maisuns
e lur sales e lur dunjuns ;
n’i aveit barre ne devise
fors un halt mur de piere bise.
Des chambres u la dame jut,
40 quant a la fenestre s’estut,
poeit parler a sun ami,
e il de l’altre part a li,
e lur aveirs entrechangier
e par geter e par lancier.
45 N’unt guaires rien ki lur desplaise.
Mult esteient amdui a aise,
fors tant qu’il ne poeent venir
del tut ensemble a lur plaisir ;
kar la dame ert estreit guardee.
27 H en fehlt — 30 H esgarderent — 42 H del autre part e il a li, N oc sua hann til hænnar or sinu lofte
20 uolenters feseit — 21 Mut turneot — 26 que ele — 27 que ele — 28 iert — 29 sentreamerent — 30 Mut — 31 feussent aparceuz — 32 desturbez ; mescreuz — 33 E eus ; fere — 34 repere — 36 dunguns — 37 bare — 38 haut — 42 lautre — 45 gueres ; que ; despleise — 46 Mut ; eise — 47 kil ; poent — 48 pleisir — 48 estreite gardee
