Le texte de cette page a été corrigé et est conforme au fac-similé.
97
dans la Lvne
Ie remarquay premierement, que comme le Globe de la terre me paroiſſoit là beaucoup plus gros que ne fait à nous la Lune, quand elle eſt pleine ; Ainſi pluſieurs choſes s’y découuroient, incomparablement, & i’oſe bien dire meſme, trente fois plus longues & plus larges qu’en noſtre Monde. Leurs Arbres ſurpaſſoièt de la troiſiéme partie la hauteur de ceux de nos Foreſts, & de la cinquieſme leur épaiſſeur ; ce qu’on pouuoit dire encore touchant leurs Plantes, & leurs Animaux, tant volans que terreſtres. I’aduoüe pourtāt qu’en leur eſpece, ils ne peuuent auec raiſon eſtre comparez à ceux que nous voyons ordinairement par-
