De noire a une rouge bende
Et, que clerement on l’entende,
Ceste bende semée estoit
De mouletes faites a droit,
Toutes noires si com li camps.
Li tiers blasons fu biaus et grans
D’or a .ii. fasses azurées,
Moult joliement mesurées.
Blans fu li quars, par couvenant,
A .i. lyon d’azur rampant :
Ces armes sont bien en Suede
Et les porte cilz de le Hede.
Li .vez. blasons fu telz : f. 63 d
De geules a .ii. faissiés pels
De blanc et de bleu, ce me samle.
Et li .viez. qui l’asamble
Fu vairiet encontre vairiet,
A .i. baston parmi brisiet,
Qui estoit de blanc et de noir.
Dou viie vous dirai voir :
De bleu fu a .iii. croissans d’or.
Je ne vous ay point dit encor,
Dou .viiie., con fais il fu :
Il avoit geronné l’escu
De rouge et de noir, ce m’est vis.
Li nuefimes, par mon avis,
Fu blans a une harpe noire.
Li disimes, on m’en doit croire,
Fu d’asur a .ii. blans griffons.
Quant tous ot veüs ces blasons
Melyador li damoisiaus,
Si dist moult bellement a chiaus
Et a celles qui la estoient,
Et qui dalés lui s’arrestoient :
« Bien doit on celui honnourer
« Et bien fait a recommender
Page:Froissart - Méliador, tome 1.djvu/328
Le texte de cette page a été corrigé et est conforme au fac-similé.
248
Méliador
