« Qu’il voet estre de nostre court.
« Temprement ferai .i. behourt,
« Car faire le voel chevalier. »
La dame le va recueillier
Moult liement et dist : « Biau filz,
« Vous estes nobles et gentilz,
« Et vous devons bon gré savoir,
« Quant venus nous estes veoir. »
e jour fu la cours resjoÿe,
Pour la nouvelle qui oÿe
Fu de ce fil le roy d’Irlande.
Grandement on l’en recommande
De ce qu’il est laiens venus.
Il est a bon port descendus,
Car tout le voient volentiers.
Avoech les jones chevaliers
S’esbat Saigremor et se tient,
Et .ii. ou .iii. fois le jour vient
En la cambre de la roÿne,
Qui moult est courtoise et encline
A tous telz enfans honnourer,
Et s’en poet toute enamourer f. 190 b
Pour yaus avancier et aprendre.
A Saigremor faut armes prendre, [1]
Car droitement il les desire,
Et .i. jour l’ala Dagors dire
Au roy, qui l’oÿ volentiers
Et dist : « Il sera chevaliers
« Et, pour l’amour de li ossi,
« Ferai des aultres avoec li. »
Lors fist li rois, par bon afaire,
Une feste moult grande faire
- ↑ 25790 Saigremor, B Faigremor.
