« Ossi l’eut il devant la Garde.
« Ces .ii. volentiers je regarde,
« Car il se mettent en grant painne
« D’avoir honneur, qui qui y painne.
« Tantost seront l’un devant l’autre. »
E les vous, espées sus fautre,
La seconde fois rencontré
Et l’un par dedens l’autre entré,
Moult fierement et par proece.
N’en y a nul qui ne s’adrece
Et qui son compagnon n’entame,
Et dist Phenonée : « Par m’ame,
« Luciienne, belle cousine,
« J’en veoie ores bien le signe
« Qu’il avoient tres grand desir
« De l’un l’autre encor envaïr.
« Aultre fois se sont hui trouvé
« Et l’un contre l’autre esprouvé. »
i doy chevalier dessus dit
Prendent solas et grant delit
Au tournoiier de leurs espées,
Qui sont en acier bien temprées,
Et moult vaillanment se requierent.
Dessus les hÿaumes se fierent
Grans cops, sans yaus point espargnier ;
On les oïst moult bien forgier
Trois arpens. Lonc ne fust la noise f. 216 b
De celle part. Tous se renvoise
Li tournois pour yaus departir,
Mais ançois c’on peuist venir
Jusc’a yaus, saciés pour certain,
Cescuns de l’espée en la main
Se furent longement batu,
Page:Froissart - Méliador, tome 3.djvu/227
Le texte de cette page a été corrigé et est conforme au fac-similé.
222
Méliador