Si com il devoit haut puier ;
Si demande a son chevalier :
« Sont ce li doi que je voi là ? »
Et li chevaliers qui parla
Dist : « Oïl, sire, par ma foy. »
Adonques se mist en arroy
Saigremor pour venir a iauls. col. c
Tout estoit friches damoisaus
Saigremor, sachiés le, pour voir,
De grant cuer et de grant voloir,
Et ce qu’il estoit amoureus
Le faisoit moult chevalereus.
Adonques se joint en sa targe ;
Le ceval point, que plus n’atarge ;
Le lanche abaisse, et si s’en vient
Sus l’un des deus, qui se maintient
A guise de bon chevalier.
Saigremor li ala baillier
[T]elle de la lanche en l’escu
Qu’il l’a pertuisiet et fendu.
.....de fier ne les parures
...trestoutes ses armeüres
[Ne le] purent lors garantir
[Que le fier ne] peüst sentir
[En]trer ou corps bien demi piet
En passant. Li chevaliers chiet,
Qui est navrés moult malement,
Qu’il ne puet mies longement
Vivre, selonch ce qu’il apert.
Li autres chevaliers qui iert
Enprès, quant voit son compagnon
La gesir, s’en a grant friçon ;
Si dist qu’il le voet revengier.
Adonques traist le branc d’acier
Et s’en vient deviers Saigremor.
Mais cils, qui n’estoit pas encor
Desconfis, le chevalier haite
Et de s’espée si bataite
Par dessus le hïaume amont col. d
Page:Froissart - Méliador, tome 3.djvu/276
Le texte de cette page a été corrigé et est conforme au fac-similé.
271
Appendice
