Le texte de cette page a été corrigé et est conforme au fac-similé.
386
POÉSIES
Virelay.
De tout mon coer vous fai don
Entirement,
Ma douce dame au corps gent,
Et le vous don
Pour tous jours en abandon
Très liement.
Mon coer, m’amour, mon desir
Voeil dou tout mettre et offrir
En vo douçour,
Comme cils qui moult desir
De vous loyalment servir
Sans nul fauls tour.
Et il soit dou guerredon
À vo talent,
Ou petit ou grandement,
Com vous est bon,
Car il ne doit par raison
Estre aultrement
De tout etc.
Car plus me povés merir
Que je ne puis desservir
Par ma labour,
Las ! quant verai-je venir
Le reconfort où je tir
Et par honnour.
