» Et le desconfiront de sault.
» Chiere dame, se Diex me sault,
» Qui prie il est en grant merci.
» Toutes fois je vous remerci
» Quant ores me dagniés oïr ;
» Et moult me povés resjoïr
» Par mettre un seul parler avant :
» Je te retienc pour mon servant !
» Dame, voeilliés le dire ensi
» Et vous me verés sans nul si
» Gai, joli et enventureus
» Et me tendrés tres éureus
» Et tout conquesté de vo droit. »
Et ma dame qui ne vodroit,
Ce m’est vis, selonc mon afaire,
Que toutes choses à point faire,
Me respondi ; tout en apert :
« Fols est qui sert, que son temps pert ;
» Mès service fait loyalment
» À personne d’entendement
» Ne fu onques mors ne peris
» Qu’en la fin ne soit remeris. »
Nos parolles atant faillirent,
Car les vallès avant sallirent,
Refus, Escondis et Dangier
Qui me fisent mon sens changier.
Sitos que je les voi venant
Bien perçoi par leur convenant
Qu’il se tiennent pour decéu
Dou grant loisir que j’ai éu
Page:Froissart - Poésies (1829).djvu/497
Le texte de cette page a été corrigé et est conforme au fac-similé.
481
DE JEAN FROISSART.
