| DE MAHOMET. | 377 |
demerites. Celui qui t’a enſeigné l’Alcoran te fera retourner au lieu que tu deſire[1] : Dis aux habitans de ce lieu, que Dieu cognois ceux qui enſeignent le droict chemin, & ceux qui ſe devoyent ; Tu n’attendois pas l’Alcoran, c’eſt une grace ſpeciale de ton Seigneur, ne donne point de ſecours aux infideles, & prens garde qu’ils ne ſe devoyent apres avoir compris ce que je t’ai enſeigné, preſche au peuple l’unité de Dieu, Ne ſois pas au nombre de ceux qui croyent pluſieurs Deïtez, n’adore que Dieu ſeul, il n’y a point de Dieu que lui, toute choſe prendra fin excepté ſa face, Il commande à toute choſe, & tous les hommes ſeront un jour aſſemblez devant lui pour eſtre jugez.
LE CHAPITRE DE L’ARAIGNÉE,
contenant ſoixante-neuf verſets,
eſcrit à la Meque.
U Nom de Dieu clement & miſericordieux., Je ſuis Dieu treſ-Sage. Les hommes ont crû qu’il ſuffit de dire, nous croyons en Dieu, & qu’ils ne ſeroient pas eſpreuvez : certainement Dieu a eſpreuvé ceux qui les ont precedez, il a connu ceux qui eſtoient zelez en ſa loy, & ceux qui eſtoient infidelles. Ceux qui ont mal fait croyent ils éviter la punition de leur crime & n’eſtre pas jugez ? Ceux
- ↑ C’et la Meque, Voy Gelaldin.
