| DE MAHOMET. | 421 |
des fruicts qui ne ſont ouvrage de leurs mains, ne recognoiſtront ils pas les graces de leur Seigneur ? Loüange eſt deuë à celuy qui a creé le maſle & la femelle de toutes les plantes que la terre produict, qui a creé l’homme & la femme, & pluſieurs autres choſes dont ils n’ont pas la cognoiſſance. C’eſt un ſigne de ma toute-Puiſſance de ſeparer le jour de la nuit & de faire courir le Soleil juſques à ſon lieu ordonné, Nous avons ordonné à la Lune ſes ſignes, elle va & vient touſjours ; par ſon ancien chemin, le Soleil n’avance ny ne retarde jamais ſa courſe, & ne rejoint pas la nuit à la Lune, la nuit ne vient pas avant la fin du jour ; & tous, à ſçavoir, la Lune, le Soleil, & les eſtoiles exaltent ma gloire dans le Ciel : C’eſt une marque de ma toute-Puiſſance d’avoir porté leurs peres ſur les eaux dedans l’arche, & de leur avoir donné des vaiſſeaux ſemblables à l’arche pour les porter, s’il m’euſt pluſt je les aurois fait ſubmerger ſans ſecours & ſans ſalut, je les ay ſauvés par ma grace ſpecialle juſques au temps ordonné. Les impies meſpriſent les ſignes de la toute-Puiſſance de Dieu, & ſe mocquent lors qu’on leur dit de craindre la colere de ſa divine Majeſté preſente & à venir, & que leurs pechez leur ſeront pardonnez. Quand on leur a dit, faites des aumoſnes des biens que Dieu vous a donnez, ils ont reſpondu, donneray-je à manger à celuy à qui Dieu donnera du pain quand bon luy ſemblera ? ils ſont dans une tres-grande erreur. Ils vous demanderont quand ſera le jour du Jugement, & ſi
