Page:La Chanson de la croisade contre les Albigeois, 1875, tome 1.djvu/136

124

[1212]

croisade contre les albigeois.

2725Que lo puescan escodre e que om le lor tolis.
En auta votz escridan : Dieus aida ! e S. Danis !
Aqui viratz ladonc mant escudier aucis
D’aicels de la mainea el baile an malmis.
E monta n’en Wles sus .I. caval braidis,
2730E fer sobrels roters si que los descofis,
Tro en l’aiga de Tarn ; e puis apres si ris
Car aisi cazec la.

CXXX.^[1]

Senhors, motas vertutz e miraclas Dieus fa
An Wles d’Encontre que tant se trebalha
2735Que totz om li vol be c’una vetz veüd l’a.
Anc certas de Bergonha plus pros om no venc sa
Que sia en la crozada ni ja no sai vendra,
Si no a mais de riqueza o de poder qu’el a.
A ma razo m’en torni que nos laise de la.
2740Lo reis P. d’Arago .I^a. seror dona
Al comte de Tolosa, e puis s’en marida
Un autra a so filh malgrat d’aquels de sa.
Er s’es mes en la guerra, e si ditz que vindra
(p. 70)Ab be .M. cavaliers, que totz pagatz les a ;
2745E si los crozatz troba ab lor s[e] combatra.
E nos, si tant vivem, veirem cals vencera,
E metrem en estoria so que nos membrara,
E escrivrem encara so que nos sovindra,
Aitant cant la materia adenant durara
2750Tro la guerra er finea.

— 2728. Ms. malmes.

1. — 2739. nos serait pour no vos, mais on peut lire aussi bien vos. — 2745. Rien dans la réd. en pr, qui corresponde aux v. 2745-85.