E trastotas las tors els murs els bastimens
Que sian derrocatz e mes en fondemens.
Aisi fo autrejatz e dig lo jutjamens.
En Simos de Montfort remas terra-tenens
De trastotas las terras ques eran apendens
Al comte de Tholosa ni als sieus benvolens,
Qu’el es dezeretatz ab fals prezicamens ;
El reis tornas n’en Fransa.
Lo filhs del rei de Fransa fo mot be aculhitz,
Per son paire e pels autres e volgutz e grazitz ;
Es es vengutz en Fransa desobrels arabitz,
E comta al rei son paire cum s’es ben enantitz
En Simos de Montfort, ni cum s’es enriquitz ;
El reis no respon mot ni nulha re no ditz.
Hieu cug per cela terra sera mortz e delitz
Simo en Gui so fraire, tant no so ichernitz. —
- ↑ — 3141. paire, ms. peire. — 3145. La réd. en pr. accentue le mécontentement du roi de France, et place dans sa bouche l’idée exprimée aux vers 3146-7 : Et quand lo rey de Fransa aguet ausit ainsin parlar son filh, et ladita demolition et destruction que lodit C. de M. avia faicta dins lodit Tolosa, et que le comte Ramon s’en era ainsin anat, grandamen n’es estat marrit, dole ne corrossat de so que sondit filh a dict et contat, et majormen quand sondit filh se era trobat en lodit faict, ainsin que dict avia davant los princes et baros, losquals la pluspart d’aquels eran parens o aliats deldit comte Ramon. Et adonc lodit rey s’es partit d’aqui, et en son logis s’es retirat sans far semblant de res, mas tan solamen a dict a sos baros et princes : « Senhors, ieu ay encoras esperansa que no tardara gayre que lodit C. de M. et son fraire le comte Guy y morirana la poursuita ... (p. 56). — 3146. terra, corr. guerra ? — 3147. Ms. N Simo.
— 3133. La réd. en pr. ajoute : exceptat lo castel Narbones, en loqual lodit C. de M. se tendra e demorara (p. 56).
