« E grans bonaventura quel posca perseguir ! »
El coms issit de Roma ab jornadas complir,
E es vengutz a Genoa, es eu pos vos plevir
Que cant le vi sos paire c’anc no l’anè ferir ;
E no tarzero gaire mas sempre de l’issir,
E cavalgan ab joia e pessan del venir
Tro foro a Maselha.
Cant foro a Masselha descendo el ribatge
E foro aculhit de joi e d’alegratge.
Al castel de Toneu pres lo coms albergatge ;
Mas can venc al cart jorn veus venir .I. mesatge,
E saludec lo comte e dig e son lengatge :
« Senher coms, al mati no fassatz lonc estatge,
« Car lo mielhs d’Avinho vos aten al ribatge,
« E so plus de .CCC. queos faran omenage. »
E can lo coms l’enten, mot li venc d’agradatge.
Lo mati el el filhs se meto el viatge,
E cant foro tant pres que s’encontre el rivatge,
- ↑ — 3739. Ici, et plus loin à propos d’Avignon, la réd. en pr. ajoute que les habitants présentent les clefs de la ville au comte de Toulouse.
— 3731-5. La réd. en pr. ajoute : et adonc ly a donada sa benediction e sas cartas de donation de ladita comtat de Venecy, et autras terras ly a bailladas, et congiet ly a donat. — Et adonc lodit enfant a pres congiet deldit S. Payre, e devers sondit payre s’en es anat e tirat, loqual ly atendia a Gena. Et quand es estat arribat, a ly dict e contat tot so que an lodit S. Payre an besonhat, et com lodit S. Payre ly a donat a son partamen la comtat de Venecy et autres sanhorias, ainsi que per ladita carta aparia ; a monstrat ladita carta a sondit payre et senhors que an el eran per aquela hora, don lodit comte Ramon et autres son estats grandamen joyoses (p. 63).
