Page:La Chanson de la croisade contre les Albigeois, 1875, tome 1.djvu/222

210

[1216]

croisade contre les albigeois.

Que en petita d’ora solh mur elh verial
Complit d’omes e d’armas, el dentelh el frontal ;
4885E las gentils companhas e l’arquier majoral
Ab balestas tornissas de sobrel fenestral.
Can de dins e de fora s’encontreron engal
Recomensa lo chaples de la guerra mortal,
De lansas e d’espazas e d’escutz de coral ;
4890E li dard e las massas e cotels e destral
E gazarmas e picas e brando e tinal
E las apchas furbidas elh cairo reversal
E pals agutz e pertgas e las peiras punhals
E falsartz e sagetas e belsas d’arc manal,
4895L’aiga e la caus bulhida del mur en la canal
De tantas partz lai vengo, de travers e d’engal,
(p. 124)Que debrizan li elme el capmailh el nazal
E l’ausberc e las malhas el frezel el cristal
E l’escut et las celas e li fre el peitral
4900El clavel e las boclas, los fres tot per engal,
E testas e maichelas e bratz e cervigal.
Entre l’acier el glazi e la dolor el mal
A l’intrar de la porta ag tan estranh carnal
Que de sanc ab cervelas son vermelh li senhal.
4905Sis combaton es feron que de nafras ab mal
Cadaüs d’els dizia que remazes cabal.
E cant li Frances viron que res no i faran al,
Repairan a las tendas e ilh dins a l’ostal.
D’entr’ambas las partidas li metge el marescal
4910Demandan ous e aiga e estopa e sal
E enguens e empastres e benda savenal
Pels colps e per las nafras de la dolor mortal.

— 4886. Corr. son sobrel f., ou y a-t-il une lacune après ce vers ? — 4900. los fres, corr. l’orfres ? — 4910. e s., ms. el s.