Page:La Chanson de la croisade contre les Albigeois, 1875, tome 1.djvu/257

[1217]

245

croisade contre les albigeois.

5775Cels qui son per la vila, los melhs emparentatz,
Qui eran ab lo comte, li dizon a .I. clatz :
« Per Dieu, nostre cars senher, a Toloza intratz ;
« Car si vos no i metiatz mas etz baros armatz,
« Ja no i trobaretz ome ab cui dins contendatz ;
5780« Car cel qui pren e cerca e quier los autruis gratz
« Mais li valdria mortz o que ja no fos natz.
— Baro, » so ditz lo coms, « Dieus ne sia lauzatz
« Car totz vostres coratges trob fis e esmeratz.
« De l’intrar de Toloza vos vei entalentatz :
5785« Anem la donc recebre, pos tuit vos i acordatz. »
Aisi fol parlamens empres e autrejatz,
Per que lo focs s’alumna e resplan la clartatz,
Car lo rics coms cavalga bonament e viatz
Dreitament vas Tolosa pels pogs e pels valatz ;
5790E traversa las combas e los grans bos fulhatz
E venc a la Garona e es outra passatz.
Rogers Bernatz cavalga, que s’es aprimairatz,
Ab petita companha dels melhs encavalgatz,
Ab tres Rogers dels autres, gonfainos desplegatz,
5795E va s’en dreitament on es la Salvetatz,
Encontran se ab Joris.

CLXXXII.^[1]

A l’encontrar d’en Joris leva lo bruitz el critz,
E ac n’i moutz dels nostres qui foro esbaïtz ;
(p. 146)Mas Rogers de Montaut los a ben adaptitz,

— 5778. Suppr. vos. — 5792. C’est au comte de Comminge que la réd. en pr. attribue le fait d’armes dont il va être question (p. 86).

1. — 5798. Ms. mõtz. — 5799. Ms. M. en R.