Page:La Chanson de la croisade contre les Albigeois, 1875, tome 1.djvu/329

[1218]

317

croisade contre les albigeois.

Els camis e las plassas el bel garrejador.
D’entr’ambas las partidas s’aprosman entre lor ;
7750Mas li crit e las trompas els corns e la tabor,
E la clartat dels elmes e l’aurs am la blancor
Afortih los coratges e l’ardiment forsor :
Aisi vengon essems coma folhas ab flor
L’orgols e la felnia e lh’esperonador,
7755E lo cels e la terra e l’airs e la brumor
Fremih e braila e mescla l’acers el gran ardor.
Els baros de Tholoza, can viro la tremor,
Per lor mezeis defendre e per contrast de lor
Comenseron la guerra el perilh e l’ardor ;
7760Ez en la bela plassa, denant Sent Salvador,
D’entr’ambas las partidas mesclan la tenebror,
E comensan la guerra.

CC.^[1]

La guerra recomensa el critz e la tenson,
E vengon per las plassas la mainadan Simon ;
7765D’entr’ambas las partidas punhen a esperon :
Primeiramen dels autres n’Amaldrics de Crion,
En Gautiers de Cambrais, en Tibaut de Blezon,
En Gilabert de Rocas, en Dragos de Merlon,
En Raolf de Niela, n’Albert de Caldairon,
7770En Jaufres de la Trena, en Rainers d’Albusson,
En Johans de Brezi, en Raners de Rancom,
En P. d’Escorralha, en Tibaut d’Orion,
En Girvais lo ventreos, Gilabertz Malbusson,

— 7751. e l’, ms. els.

1. — 7763. Dragos, corr. Drogos.