Page:La Chanson de la croisade contre les Albigeois, 1875, tome 1.djvu/394

382

[1219]

croisade contre les albigeois.

E pros e savis e dans e comquerens,
En Br. de Cumenge sos cozis ichamens
9510N’Arnaut R. d’Aspel ben afortidamens,
Ez ab los cavaliers de Montaigo prezens
Tenon la barbacana faita novelamens ;
El bos n’Inartz de Puntis car es pros e valens,
En Marestanhs sos oncles qu’es de bon pretz manens,
9515En Rogers de Mon[t]aut mandans e defendens,
(p. 238)En Rogers de Noer, car es ben avinens,
Tenon la barbacana del Pertus belamens.
Guirautz Unautz qu’es savis e bos e paciens,
El en R. Unautz qu’es adreitz e plazens,
9520En Jordas de Lantar ab afortitz talens,
Son de la barbacana Sent Estefe tenens ;
En Sicartz lo delhivres, senher de Poglaurens,
El e n’Ucs de Montelh, en Paderns ichamens,
Tenon la barbacana de Montoliu leumens ;
9525Apres Br. Meuder ab los seus solamens,
De mainada escarida, percassans e prendens,
Retenc la barbacana de Montgalhart formens ;
E lo vescoms Bertrans tozetz e aprendens,
El en Bartas essems aperceubudamens
9530Tenon la barbacana del Castel fermamens ;
En Br. de Montaut ab afortitz talens,
En Guilabertz de Labas, en Frezols mantenens,
Ab lor belas cumpanhas d’amics e de parens
Tenon la barbacana del Pont vielh duramens.
9535El senher de la Islha, Br. Jordas valens,
El en Bertrans Jordas, en Otz qu’es conoichens.
En Guirautz de Gordo ben acordadamens,

— 9508. Sic : il manque une épithète.