La conquist il Dagobert de Cartage, [*]
Qui tint la terre de Looïs le sage [*]
Et ses onors, qui erent granz et larges. [*]
2030Li cuens Guillelmes a la chiere membree
Vers Annadore a sa veie tornee ; [*]
Saint Gile assalt a une matinee ;
Le borc ot pris senz nule demoree. [*]
Tel chose fist qui a Jesu agree :[*]
2035L’eglise guarde qu’ele ne fust guastee ; [*]
Prist Juliien, qui guardeit la contree :
Ostages done tant come al conte agree ;
Par itel chose a sa pais creantee.
Li cuens Guillelmes a sa gent apelee, [*]
2040Tel chose dist qui a plusors agree :
« Or al herneis, franche gent onoree,
Si s’en ira chascuns en sa contree,
A sa moillier qu’il avra esposee. »[*]
Li cuens Guillelmes al cort nés li guerriers
— 2027 B2 La conquist dagoubert la cite de c. — 2028 A Et si fist tant li cuens par son barnage Qua looys vint rendre son homage Sa terre tint de looys le sage — 2029 B quierent granz et esparses Du roi les tint ce fu grans seignorages Tot par g. le marchis fierebrace Le gentil conte que li cors dieu bien face — 2031 B Vers enueudure — 2033 A ont ; B aincois none passee (B2 sonnee) — 2034 A fist ; B manque — 2035 manque, ainsi que les cinq vers suivants dans A, dont le copiste a été trompé par le mot agree qui termine 2034 et 2040 ; B manque — 2039 leçon de C ; B manque — 2043 B quil i a esposee
