2625Respont Bertrans : « Cent merciz en aiez ! » [*]
En cels de Rome n’en ot que esmaier ; [*]
Dist l’uns a l’altre : « Mal somes engeignié :[*]
Nostre sire est ocis et detrenchiez ; [*]
Il nos convient trestoz umeliier :
2630Alons molt tost por la merci preier. »[*]
Dist l’uns a l’altre : « Bien fait a otreier. » [*]
Les portes uevrent senz point de delaier ; [*]
Bel recoillirent lor seignor dreiturier.
Par dedenz Rome fu Guillelmes li frans ;
2635Prent son seignor tost et isnelement, [*]
En la chaiere l’assiet de maintenant,[*]
Sel corona del barnage des Frans. [*]
La lui jurerent trestuit le serement. [*]
Tels li jura qui li tint bonement, [*]
2640Et tels alsi qui ne li tint neient, [*]
Com vos orrez ainz le soleil colchant. [*]
Par dedenz Rome fu Guillelmes li ber,
S’a Looïs son seignor coroné :[*]
De tot l’empire li a fait seürté.[*]
— 2625 B1 grans m. en a. — 2626 B1 ni ot q. e. — 2627 B1 nous s. e. — 2628 B1 et mors et d. — 2630 B1 Alons au roi — 2631 B1 Dient li autre ce fait a o. ; A la leçon + A granz croiz dor qui molt font a proisier A (A2 Et) filatieres et encens et sautier Encontre portent les cors sainz del mostier — 2632 B1 Euurent les portes — 2635 B1 Prist s. s. — 2636 B1 manque — 2637 B1 au barnage — 2638 B1 le lige s. — 2639 A manque — 2640 A Tels l. j. q. — 2641 B1 manque — 2643 B1 Loeys a s. s. c. — 2644 B1 li ont f. s.
