Le texte de cette page a été corrigé et est conforme au fac-similé.
Ot moult grant talent de mengier ;
L’eve conmença à huchier,
Et l’en li a tost aportée.
Si filz ont la table posée,
Renart menga moult volentiers,
A grant plenté ot bons mengiers :[1]
Assez menja et fu aaise.
Encore metra à malaise
Mon seignor Ysengrin le Leu
Se il en puet venir en leu :
Or se gart bien Dant Ysengrin
Et Rooniax e Tiecelin,
Bruiant li Tors, Tybert le Chat ;
Se Renart sot onques barat
Il lor fera, que que il tarde,
Tel saut dont ne se prendront garde.
- ↑ Al. De daintiers.
