Li fist parmi le cors glacier,
Mort le trebuche del destrier.
A la rencontre vint Renart,
Mès il i est venuz trop tart :
Il et sa gent i sont venu,
Mais malement l’ont secoru,
Qar iloques l’ont trové mort.
Ci n’a, dist Renart, nul confort,
Mès or verrai qui m’aura chier,
Que je le voil aler venchier.
Sire, ce dient li baron,
Volentiers vos i aideron.
Adont conmence la mellée,
Meint cop i ot feru d’espée,
Moult véissiez bestes morir,
Onques nus ne se pot tenir
Encontre l’espée Renart,
Quant ferant s’en vint cele part
Tiex vint mile en sa conpaignie
Qui au Roi firent grant aïe.
En l’estor se fierent errant,
Des genz Renart ont ocis tant
Que nus n’en sot le conte dire :
Lors n’ot Renart talent de rire.
Qui donques véist Percehaie
Parmi l’ost con il se desraie,
Nus ne puet à son cop durer.
Belin prent à esperoner,
Page:Le Roman du Renart, 1826, tome 3.djvu/293
Le texte de cette page a été corrigé et est conforme au fac-similé.
